اخت مراتى امانى السيد

كان طالع مهزوز ومبحوح
هدى.. أنا عاوز أقولك حاجة مهمة، بس اسمعيني للأخر ومتستعجليش في الرد.
لفت وشها ليا باستغراب، ضحكتها خفتت وظهر على ملامحها قلق عفوي وقالت
خير يا أبيه؟ مالك شكلك مش طبيعي كده ليه النهاردة؟ في حاجة حصلت بينك وبين أختي؟
كلمة أبيه المرة دي خرجتني عن هدوئي تماماً، قاطعتها وصوتي بيعلى بحدة ممزوجة بلهفة
بلاش الكلمة دي يا هدى.. متقوليش أبيه تاني! أنا مش أخوكي، وعمري ما شوفتك أختي الصغيرة زي ما أنتوا فاكرين. أنا بقالي سنين مش عايش، مش شايف ست في الدنيا دي غيرك، قلبي وروحي معاكي إنتِ. قوليلي بس إنك حاسة بيا، قوليلي إنك شيفاني راجل مش أخ، وأنا مستعد أهد الدنيا كلها علشانك.. أطلق أختك بكرة الصبح وأتجوزك إنتِ.
الهوا في العربية كأنه اتسحب في ثانية. الهدوء اللي نزل على المكان بقى يخنق.
فضلت هدى مبلمة فيا، عينيها وسعت بړعب وزهول كأنها شافت كائن غريب مش الراجل اللي كانت بتعتبره أمانها وضهرها. الهوا جوه العربية بقى تقيل وخانق، وإيديها اللي كانت بتعدل الطرحة اتجمدت في مكانها، وشها بهت والدم هرب من عروقها في ثانية.
بلعت ريقها بصعوبة، وشفايفها كانت بتترعش وهي بتبعد بجسمها كله ناحية الباب، تلزق في الإزاز كأنها بتحاول تهرب من وجودي في نفس المكان، وبصتلي بنظرة كلها قرف وكسرة
إنت.. إنت بتقول إيه؟! إنت اټجننت يا بني آدم؟! أختي مين اللي تطلقها؟ وأنا مين اللي تتجوزني؟!
حاولت أمد إيدي ناحيتها بلهفة أهديها وأقولها اسمعيني، بس صړخت فيا فجأة بصوت مكتوم وهي بتبعد إيدي پعنف
إياك تلمسني! إياك تقرب مني! أنا بعتبرك أخويا الكبير.. أخويا اللي وثقت فيه وكنت بحس بالأمان معاه، بقى كل الحنية والدلع ده وراهم وساخة وتفكير مريض بالشكل ده؟! صدمتني فيك يا أخي.. كسرت كل حاجة حلوة كنت شيفاها فيك!
نزلت دموعها فجأة بغزارة، بس مكنتش دموع ضعف، كانت دموع خذلان وقهر، وكملت كلامها وهي بتنهج وصوتها بيقطع
ذنبها إيه أختي المسكينة اللي شايلاك في عينيها؟ اللي بتستنى رضاك وپتخاف على زعلك؟ أختي اللي كانت بتقولي أبيه بيحبك وبيعتبرك زي أخته وبيدلعك؟ خنتها في ضهرها وعينك كانت على أختها الصغيرة؟! بقى دي الأمانة اللي ائتمنتك عليها لما دخلت بيتنا؟
اتنفست بعمق وهي بتمسح دموعها بإيد مرتعشة، وبصتلي بقوة وشموخ مسحوا كل الدلع اللي كنت مخدوع فيه، وقالتلي جملة نزلت على دماغي زي مية الڼار
فوق لنفسك.. لو فاكر إني ممكن أبصلك في يوم فإنت عبيط! وزي ما هانت عليك مراتك وبعتها عشاني بالسهولة دي، بكرة لما أكبر وشكلي يتغير هتهون عليك وتبيعني عشان غيري.. الراجل الخاېن اللي ملوش أمان مع أقرب الناس ليه، عمره ما يكون أمان لواحدة تانية حتى لو كانت هي السبب في خيانته.
مدت إيدها ورزعت أوكرة الباب وفتحته،