امي ولا بتهش ولا بتنش
انا امي ست طيبه جدا ومش عايزة اقول عليها انها لا بتهش ولا بتنش بس بيصعب عليه لما حد يتعامل معاها بسواسه وهي اصلا طيبة الدنيا فيها ،وعشان ادخل في الموضوع على طول احنا عندنا خال واحد والمفروض ان الخال والد بس احنا مش حاسين بوجوده معانا وخصوصا المفروض يكون قريب مننا بعد ما ابويا اتوفى الله يرحمه لكن اللي حصل العكس
بقى يسأل علينا كل فين وفين ،بس بردو امي ده يبقى اخوها الوحيد وعنده بنت اتقرى فتحتها وامي صممت انها تحوش من قوتنا عشان تجيب ليها هدية قيمة وحاولت انا واخواتي من شغلنا ندي ماما فلوس عشان تجيب هدية قيمة تنفعها في جوازها وعلى رأي امي دايما بتقول الواجب واجب يا حبايبي ،وفعلا جبنا هدية الحمد لله قيمة وراحت امي اتصلت على خالي تقوله انها جايه زيارة الصراحه ان خالي رحب بينا وبأننا حنيجي له بعد فترة كبيرة مدخلناش بيته ،خالي ساكن بعيد عننا بناخد اكتر من ساعه بالمترو ،لبست وقولت انا اللي حروح مع ماما عند خالي ركبنا وروحنا بس اتفاجانا ان مرات خالي بتستقبلنا استقبال ناشف
الواحد بيحس والله انا قولت احنا نعمل الواجب ونمشي بس كان لازم نستنى خالي لما يرجع من شغله ،فعلا خالي رجع واستقبالنا بحفاوة اخته بقى وبقاله شهور مشفهاش وقبل ما نروح لاقيناه مصمم ان امي تبات عنده عشان هي وحشاه وبقاله مده مقعدتش معاها لكن مرات خالي ولا فتحت بؤها حتى بعزومه مراكبيه وانا لما حسيت كده قولتلها خليكي انتي يا امي باتي وانا حروح عشان عندي شغل سيبت امي وروحت وبعد ساعتين لاقيت امي بتتصل بيه وبتعيط بقولها في ايه
اتفاجأت منها ان مرات خالي عشان تتخلص منها قالت لها تعالى نشتري حاجات لبنتها فاخدت امي وركبوا المترو محطتين وقالت لها انها نسيت الفلوس في البيت قامت نازله وسيبه امي تكمل في المترو ،طبعا انا دمي اتحرق وروحت اخدت امي من المحطه وصممت اني اروح لمرات خالي اتعارك معاها واخد الهدية اللي احنا جبناها لبنتها بس امي قالتلي لا خلاص يا بنتي انا مسمحاها ،انا الصراحه مصمم ارد حق امي بس مش عارفه ازاي قولولي اعمل ايه واسفه على الأطاله
اللهم يا رازق السائلين، يا راحم المساكين، ويا ذا القوة المتين، ويا خير الناصرين، يا ولي المؤمنين، يا غيّاث المستغيثين، إياك نعبد وإيّاك نستعين، اللهم إني أسألك رزقًا واسعًا طيبًا من رزقك. يا مقيل العثرات، يا قاضي الحاجات، اقض حاجتي، وفرج كربتي، وارزقني من حيث لا أحتسب. اللهم ارزقني رزقًا واسعًا حلالًا طيبًا من غير كدٍّ، واستجب دعائي من غير رد، وأعوذ بك من الفقر والدّين، اللهم يا رازق السائلين، يا راحم المساكين، ويا ذا القوة المتين، ويا خير الناصرين، يا ولي المؤمنين، يا غيّاث المستغيثين، إياك نعبد وإيّاك نستعين. الحمد لله الذي تواضع كل شيء لعظمته، الحمد لله الذي استسلم كل شيء لقدرته، الحمد لله الذي ذلّ كل شيء لعزته، الحمد لله الذي خضع كل شيء لملكه. اللهم صل وسلم وبارك على نبيّنا المصطفى محمد، وعلى آله وأصحابه أجمعين.
