الحاجه كريمه
قمت براحة خالص، وجرجرْت رجلي لحد باب الحمام، وبصيت من شق الباب.. وأول ما شوفت اللي بيحصل، حسيت إن الدنيا بتلف بيا والأرض بتهد تحت رجلي!
لو عاوز تعرف الحاجة كريمة شافت إيه في الحمام الساعة ٣ الفجر؟ أكتب “تم” وصلي على النبي، وهنزلك باقي القصة فوراً.. اللي جاي صدمة!
فتحت “الحاجة كريمة” شق الباب بالراحة، ونفسها مكتوم.. شافت “أحمد” ابنها، المدير الكبير صاحب الهيبة، قاعد على أرضية الحمام الساقعة، وفاتح الدش على آخره عشان يداري صوته.. مكنش بيستحمى، كان ماسك “فوطة” مبلولة وبيضغط بيها على وشه وهو بيترعش، وجنبه علبة أدوية مفتوحة ومرمية على الأرض.
أحمد كان بيعيط بحرقة، وصوت أنينه اللي سمعته كان وجع ملهوش آخر.. فجأة شال الفوطة، وشافت “كريمة” اللي خلع قلبها؛ وشه كان فيه آثار ضرب وكدمات صعبة، وجرح قطعي عند حاجبه لسه بينزف.
دخلت “كريمة” فجأة وهي بتصرخ بصوت مكتوم: “يا نهار مش فايت! إيه اللي عمل فيك كده يا ضنايا؟ مين اللي مد إيده عليك؟”
أحمد اتخض وحاول يداري وشه وهو بيترعش: “اطلعي بره يا أمي.. اطلعي مش عاوزك تشوفي السواد ده!”
لكن قلب الأم كان أقوى.. قعدت جنبه على الأرض وخدت رأسه في حضنها، وهنا انهار أحمد وحكى اللي مخبيه عن الدنيا كلها:
“الشركة اللي أنا مدير فيها يا أمي.. دخلت في دوامة غسيل أموال وأنا مكنتش أعرف، ولما جيت أنسحب، “الحيتان” الكبار هددوني بمراتي وبناتي.. والزرقان اللي في إيد نهى ده مكنش مني، ده كان تحذير منهم ليّ لما دخلوا البيت وأنا مش موجود وضربوها قدام البنات.”
أحمد كمل وهو بيشهق: “كل يوم الساعة ٣ الفجر بيجيلي تليفون يهددوني فيه، بدخل الحمام عشان أداري وجعي وخوفي من نهى ومنك.. مش عاوزكم تحسوا إني ضعيف أو إني ضيعتكم.. أنا بموت في اليوم ألف مرة يا أمي.”
”الحاجة كريمة” بصلت له بعين كلها حكمة وقوة، ومسحت دموعه بإيدها الخشنة اللي شقيت في الغيط زمان وقالت:
“يا أهبل.. الطين والدبش اللي كنا عايشين فيه كان ساترنا عشان كان بالحلال.. النور اللي في المهندسين ده طلع نار بتحرقك يا ابني.. قوم، قوم يا أحمد، بكرة الصبح تروح تبلغ، والمال اللي يجي بالخوف والدم مليلزمناش.. نرجع بيتنا القديم، ناكل مش وجبنة قديمة وننام والباب مفتوح، ولا نعيش في قصور والسكينة على رقبتنا.”
في الفجرية، أحمد حس إن حمل جبال انزاح من على كتفه بكلام أمه.. وبالفعل، أخد “نهى” والبنات، وبمساعدة محامي شريف بلغ عن العصابة، ورجعوا كلهم لبيت “الدبش والطين” في البلد.. ورغم إن العيشة كانت بسيطة، بس أحمد لأول مرة من سنين نام الساعة ٣ الفجر وهو مرتاح، وفي حضنه بناته، وعلى صوت تسبيح الحاجة كريمة وهي بتصلي الفجر وتشكر ربنا إنها رجعت “سند” لابنها بجد.
تمت.. مشيره محمد
